Yahi Koi 14 Saal Ka Tha Mai. Din Bhar Khelane Aur Kudane Me Din Nikal Jata Tha. School Ki Chhuti Ho Gayi Thee Aur Ghar Par Din Bhar Hud-dang Machana Hee Mera Kaam Tha. Dur Ke Ek Cousin Ki Shadi Thee Eas Liye Ghar Ke Sabhi Log Tin Din Ke Liye Shadi Me Gaye The Aur Mai Ghar Me Akela Tha.
Shaam Ke Waqt Mai Mohalle Me Khada Tha Aur Mere Umra Ke Bachche Dur Dur Tak Nahi The. Mai Aapne Se Kooch Badi Umra Ke Ladko Ke Saath Jaakar Khada Ho Gaye. Sabhi Aapas Me Chudail Ki Baat Kar Rahe The. Har Koi Aapna-Aapna experience Share Kar Raha Tha Aur Mai Maze Lekar Logo Ki Baate Sun Raha Tha.
Sagar Ne Aapni Kahani Ki Shurvaat Ki.
"Raat Ko Karib Ek Baje Ke Baad Vo Chudaila 4th Flor Se Utarti Hai Aur Payal Ki Awaz Karte Huye Dhire Dhire Sadak Se Hote Huye Hamari Gali Se Gujarti Hai". Sagar Ne Bataya Ki Vo Roz Eas Ghatna Ko Apni Aankho Se Dekhta Tha Aur Ek Din Usane Chudail Ka Pichha Kiya. Sagar Chudail Ke Pichhe Picche Gaya Aur Chudail Bawadi Ke Yaha Se Gayab Ho Gayi.
Kahani Khatm Ho Gayi Aur Sab Aapne Ghar Gaye. Mai Bhi Ghar Gaya Aur Khana Khakar So Gaya.
Chhan
Chhan
Chaan
Chaan
Meri Neend Achanak Tut Gayi Aur Mere Kaan Me Chhan-Chhan Awaz Aa Rahi Thee. Mujhe Laga Ki Shayad Aaj Chudail Galti Se Mere Ghar Ki Taraf Chali Aayi. Maine Ek Baar Light On Karne Ke Bare Me Socha Par Ye Soch Kar Ruk Gaya Ki Light On Karne Se Chudail Samjh Jayegi Ki Mai Jaag Raha Hu. Aur Maine Kuchh Hee Seconds Me Jitane Bhi Bhagwan Ke Naam Yaad The Le Liye.
Dhire-Dhire Mai Darwaje Ki Taraf Badha Aur Phir Darwaje Ke Chhed Me Se Bahar Dekha. Darwaze Se Bahar Dekhate Hee Mera Sara Dar Gayab Ho Gaya. BMC Ne Pani Jaldi Chhod Diya Tha, Eas Waqt Subah Ke 4 Baj Rahe The. Aur Mere Bazu Wali Chachi Pani Bhar Rahi Thee Aur Usake Pav Ki Paijani (Payal) Chhan-Chhan Kar Mujhe Dara Rahi Thee.
Jab Kabhi Dosto Ke Saath Baithta Hu Tab Uas Chudail Ki Kahani Ka Zikra Jarur Karta Hu Aur Aapne Bachpane Par Hasta Hu.
No comments:
Post a Comment